«Я – грамадзянін Беларусі» – пад такім дэвізам прайшоў трэці САМАБЫТНЫ дзень у аздараўленчым лагеры «Вытокі дабра» сацыяльна-педагагічнага профілю.
Акцыя «Рускай мове дай разгрузку – размаўляй па-беларуску» задала настрой на ўвесь дзень.
Дзеці «рабілі» мову каляровай. Яны паспрабавалі адказаць на пытанне «Якімі бываюць словы?». Далей іх «закруціў» квэст «Мой Барысаў».
Падчас краязнаўчай экскурсіі ў старадаўні сядзібна-паркавы комплекс «Крычынскі сад» дзеці дакрануліся да мінулага свайго роднага краю. Знакамітая алея ліп, белыя лебедзі, буслы, маляўкі рыб - усё выклікала захапленне нашых юных выхаванцаў.
Усе жадаючыя прынялі ўдзел у вырабе беларускай лялькі.
А тэатр-экспромт «Муха-пяюха» завяршыў гэты займальны дзень.