Гульня-конкурс юных краязнаўцаў
У рамках Тыдня роднай мовы ў ДУА “Сярэдняя школа №24 г. Барысава” адбылася краязнаўчая гульня-конкурс “Радзімы непаўторны свет”, прысвечаная знаёмству з некаторымі раслінамі, ягадамі, грыбамі і птушкам.
Вучні 5-х класаў разам са сваімі бацькамі паспрабавалі разгадаць некаторыя таямніцы свету жывой прыроды вакол нас. Нашы далёкія продкі не мелі магчымасці купіць лекі ў аптэцы ці ўвогуле трапіць на прыём да ўрача. Таму яны прызвычаіліся знаходзіць лекі ў навакольным свеце.
Акрамя карыснай інфармацыі, удзельнікі адгадалі зашыфраванае ў крыжаванцы слова, адказалі на пытанні віктарыны, здзейснілі віртуальнае падарожжа ў жывую прыроду.
А пасля ўсе ўдзельнікі былі запрошаны на экскурсію ў школьны музей духоўнай і матэрыяльнай культуры “Зямля пад белымі крыламі”.
Святлана Васільеўна Шышла, настаўнік беларускай мовы і літаратуры