Для вучняў першых класаў была арганізавана гульнявая праграма “Мультыманія", прысвечаная Дню роднай мовы
21 лютага – Міжнародны дзень роднай мовы. Для вучняў першых класаў была арганізавана гульнявая праграма “Мультыманія”, якая прайшла цікава, запамінальна і ярка.
Хлопчыкам і дзяўчынкам было прапанавана ўважліва паглядзець беларускія мультфільмы “Каток – залаты лабок”, “Дзед”, “Ліса, мядзведзь і мужык”, “Піліпка”, а потым выканаць некалькі заданняў. Першакласнікам было патрэбна па малюнку здагадацца, да якой ён казкі, па вытрымках з тэксту ўзнавіць назву казкі, расставіць кадры з мультфільма ў правільным парадку, скласці пазл і намаляваць катка з казкі “Каток – залаты лабок”.
З усімі заданнямі ўдзельнікі гульні справіліся на “выдатна”. Асабліва было прыемна тое, што ўсе стараліся размаўляць на роднай мове.
Класны кіраўнік 1 “Г” класа В.В.Юзава